ස්වයං රැකවරණය
අපගේ ශාරීරික, මානසික සහ චිත්තවේගීය සෞඛ්‍යය ගැන සැලකිලිමත් වීම සඳහා හිතාමතා ක්‍රියා කිරීම ස්වයන් රකවාරණය වේ.වර්තමානයේ බොහෝ විට ආතතියෙන් පිරුණු ලෝකයක අපි සම දෙනාම ජීවත්වේ, එම නිසා ස්වයං රැකවරණය සඳහා අවධානය ලබාදීම වඩාත් වැදගත් වේ. ස්වයං රැකවරණය ඉතා වැදගත් වීමට හේතු කිහිපයක් ඇත.
1.ශාරීරික සෞඛ්‍යය – ස්වයං රැකවරණ ක්‍රියාකාරකම්වල යෙදීම ශාරීරික සෞඛ්‍යය වැඩිදියුණු කිරීමට සහ පවත්වා ගැනීමට උපකාරී වේ. මෙයට නිතිපතා ව්‍යායාම කිරීම, නිසි පෝෂණය, ප්‍රමාණවත් නින්ද සහ විවේක ගැනීමට කාලය ගත කිරීම ඇතුළත් වේ. ස්වයං රැකවරණයට ප්‍රමුඛත්වය දීමෙන්, අපට අපගේ ශාරීරික සෞඛ්‍යය වඩාත් හිතකර ලෙස පවත්වාගෙන යාවට හැකියාව ලැබේ. එසේම අපගේ ප්‍රතිශක්තිකරණ පද්ධතිය ශක්තිමත් කිරීමට සහ රෝගාබාධ හා නිදන්ගත රෝග ඇතිවීමේ අවදානම අවම කර ගත හැක.
2.මානසික යහපැවැත්ම – අපගේ මානසික සෞඛ්‍යයට හොඳ මට්ටමක පවතවගැනීම සඳහා ස්වයන් රැකවරණය සැලකිය යුතු කාර්යභාරයක් ඉටු කරයි. අපට සතුට සහ විවේකය ගෙන දෙන ක්‍රියාකාරකම් සඳහා කාලය ලබාදීම මඟින් ආතතිය, කාංසාව සහ මානසික අවපීඩනය කළමනාකරණය කළ හැකිය. එමඟින් අපට උද්යෝගයක් ඇතිකරයි සහ අප කරන වැඩ කටයුතු සඳහා හොඳින් අවධානය යොමුකිරීමට හැකියාව ලැබේ. එසේම අපගේ ඔරොත්තු දීමේ හැකියාව සහ අභියෝගවලට මුහුණ දීමේ හැකියාව වැඩි කරයි.
3.ඵලදායිතාව වැඩි වීම – අපි ස්වයං රැකවරණය නොසලකා හරින විට, අපි බොහෝ විට ආතතිය, වෙහෙසකර බව සහ ඵලදායිතාව අඩු වීම අත්විඳින්නෙමු. විවේක ගැනීම, විනෝදාංශවල යෙදීම සහ අප කැමති ක්‍රියාකාරකම් (එනම් ඔබට සහ අන් යට හානි දායක නොවන ක්‍රියාකාරකම්)වල නිරත වීම මඟින් අපගේ මනස සැහැල්ලු කරන අතර අපට අවධානය යොමු කිරීමට සහ අපගේ උපරිමයෙන් ක්‍රියා කිරීමට ඇති හැකියාව වැඩි කරයි. නිතිපතා ස්වයං රැකවරණය අපගේ නිර්මාණශීලිත්වය, ගැටළු විසඳීමේ කුසලතා සහ සමස්ත ඵලදායිතාව වැඩි දියුණු කරයි.
4.පුද්ගල සම්බන්ධතා – ස්වයං රැකවරණයට ප්‍රමුඛත්වය දීම මඟින් අපගේ සබඳතා වඩාත් හොඳින් පවත්වා ගැනීමට හැකියාව ලැබේ.එනම් අපි අපේම අවශ්‍යතා ගැන සැලකිලිමත් වන විට, අපට වැඩි ශක්තියක්, ඉවසීමක් සහ අන් අය කෙරෙහි සහකම්පනය දැක්වීමේ කුසලතා ඇතිවේ. එය සෞඛ්‍ය සම්පන්න සීමාවන් ද ගොඩ නඟන අතර අපගේ අපගේ සම්බන්ධතා වලදී හිතකර ලෙස ලෙස සන්නිවේදනය කිරීමට අවශ්‍ය කුසලතා ඇතිවේ. සෞඛ්‍ය සම්පන්න සහ වඩාත් හිතකර සබඳතා වර්ධනය කිරීමට කිරීමට අපටහැකියාව ලැබේ.
5.ස්වයං දැනුවත්භාවය සහ පුද්ගල වර්ධනය – ස්වයං රැකවරණය පුහුණු වීම මඟින්, අපට අප පපිළිබඳව ස්වයං විමර්ශනය සහ ස්වයං දැනුවත්භාවය ලබාගැනීමට උපකාර කරයි. එනම් අපි අප සඳහාම කාලය කැප කිරීමෙන්, අපගේ වටිනාකම් හඳුනාගැනීමට සහ අපගේ අනන්‍යතාවය පිළිබඳ අපගේ අවබෝධය ගැඹුරු කරයි එසේම පුද්ගලයෙකු ලෙස හිතකර චර්යාවන් වර්ධනය කරන අතර ඒ මඟින් අපගේ ආත්ම අභිමානය ඉහළ නංවයි.
සමබර හා තෘප්තිමත් ජීවිතයක් පවත්වා ගැනීම සඳහා ස්වයං රැකවරණය ඉතා වැදගත් වේ. අපගේ ශාරීරික, මානසික සහ චිත්තවේගීය යහපැවැත්මට ප්‍රමුඛත්වය දීමෙන්, අපගේ සමස්ත ජීවන තත්ත්වය වැඩිදියුණු කිරීමට, අපගේ සබඳතා වැඩිදියුණු කිරීමට සහ පුද්ගලික වර්ධනය සහ ඔරොත්තු දීමේ හැකියාව ලබා ගත හැකිය. මතක තබා ගන්න, ස්වයං රැකවරණය යනු ආත්මාර්ථකාමී ලෙස අප අපගැන සොයා බැලීමක් නොවේ – එය අපට හිතකර ජීවතයක් ඇති කිරීමට සහ අපට දියුණු වීමට ඉඩ සලසන සහ අන් අය වෙනුවෙන් අපට පෙනී සිටීමට ඉඩ සලසන අප තුළම ඇති කරගනු ලබන ආයෝජනයකි.
Source: Without Borders Sri Lanka